ගමේ ගොඩේ ඉබේ හැදෙන වටිනා, ඉතාම ඉහල ගුණයක් ඇති පලතුරක් තමයි කටු අනෝදා කියන්නෙ. බොහෝ දෙනෙක් මේවා පලතුරක් විධියටත් පානයක් විධියටත් ආහාරයට අරගෙන ඇති. ඒත් අද මම කියන්නෙ කටු අනෝදා ව්‍යංජනය ගැන.
මේ කටු අනෝදා වල තියෙන ප්‍රතිඔක්සිකාරක ගුණය නිසා පිළිකා වලට එරෙහි හොද ඹෟෂධයක්. ඒ වගේම දියවැඩියාව ආදි බොහෝ ලෙඩ වලටත් ගුණ දෙන පලතුරක්. දැනු බලමු කොහොමද අපි මේ ව්‍යංජනය හදන්නෙ කියලා.
ඉස්සෙල්ලම කරන්න තියෙන දේ තමයි තරමක් පැසුණු කටු අනෝදා ගෙඩියක් ගෙඩියක් තෝරගන්න එක.
ඊට අමතරව අපිට අවශ්‍ය කරන දේවල් තමයි,
රතු ළුෑණු ගෙඩි 5 ක්,
ලුණු, කහ, තුන පහ, මිරිස් කුඩු,
අමු මිරිස් කරල් 5 ක්,
සුදු ළුෑණු බික් 3 ක්,
අමු ඉගුරු කෑල්ලක්,
කරපිංචා, රම්පෙ, අබ ස්වල්පයක් සහ පොල්තෙල් මේස හැදි 2 ක් ඔ්න කරනවා.
පළමුවෙන්ම පැසුණු කටු අනෝදා ගෙඩියේ පොතු සහ ඇට ටික ඉවත් කරගෙන පොඩි කෑලි වලට කපාගෙන ඒවා ඇල් වතුරට දාලා සෝදගන්න.
ඉන් පසුව වතුර ඉවත් කරලා ලුණු, කහ, තුනපහ, මිරිස් කුඩු හා අවශ්‍ය නම් උම්බලකඩත් දලා හොදින් අනෝදා කැබලි සමග මිශ්‍ර කරගන්න ඔ්න.
දැන් ඒ ටික පැත්තකින් තියලා පිරිසිදු භාජනයක් ලිපේ තියලා එයට පොල් තෙල් ටික දාලා හොදින් රත් වූ පසුව, සුදු ළුෑණු, අමු ඉගුරු, රම්පෙ, කරපිංචා, අබ, අමු මිරිස් හා රතු ළුෑණු ආදිය තෙලට දමා අවශ්‍ය පදමට බැදුනු පසු,
කලින් මිශ්‍ර කරගත් කටු අනෝදා කැබලි මිශ්‍රනයත් මෙයට එක්කරගෙන වතුර ස්වල්පයකුත් දමා භාජනය වසා හොදින් තැම්බෙන්න ඉඩ හරින්න.
ඉන් පසුව හොදින් තැම්බුනු පසු ලිපෙන් බාගෙන රස බලන්න පුළුවන්.
ප්‍රවීණ සූප වේදිනි - චිත්‍රාංගනී කුමාරිහාමි.
