මුලින් ම ඔබවෙත මෙම ග්‍රන්ථයේ පුර්විකාව ගෙන එන ලද අතර මෙතැන් සිට එහි අන්තර්ගත වු ඒ දැනුම් සම්භාරය ඔබ වෙත එහි සඳහන් අයුරින්ම ගෙන එන්නෙමි..
ආහාර විහරණ
සිය රට කන බොන දේ හැම පිරිහෙති
පිට රට කන බොන දේ එහි පුරවති
දෙලොවට හිත වැඩ කනපිට පෙරළෙති
පහළට යන දර දඬු ලෙස පාවෙති
සැපතට මුල් තුනකි.
හොඳ ආහාර, හොඳ හැසිරීම, හොඳ වැඩ.
පළමුකොට මූලික ආහාරය ගැන විමසා බලමු. බත පිණිස ගැනෙන ධාන්‍ය වර්ග පසෙකි.
ශාලි ධාන්‍ය (ඇල්වී) ගොඩ මඩ දෙවගෙකි. ගොඩ ඇල් අතුරින් තුන් දොසට ම හොඳ නිසා රත් ඇල් ඉහළ වර්ගයයි. අප රට ඇල් ගොවිතැන බස්නාහිර පළාතෙන් සබරගමුවට බර වී එහෙන් ද ඈත්වේගන යයි. ඉන්දියාවේ මගධ දේශයේ "දවුල් ඛානිචාවුල්" නමින් ප්‍රසිඩ මේ වර්ගය කල්කටා ආදී නගරවල පායාස (කිරි බත්) හෙවත් පුඩිං සෑදීමට ව්‍යවහාර වේ. කලමඩු පොලයැල් ආදී වර්ග ආශාවටවත් කෑමට පවා දැන් මෙරටින් සොයාගැනීම එතරම් පහසු නැත. එහෙයින් කනින් රස විඳීමට පුරාණ ජාතීය නාට්‍ය කලා සංගීත සොයා දියුණු කරන රසික අය රසනායයි ප්‍රසිඬ දිවත් සහිත පසිඳුරන් ම පිනවන ඇල් කිරිබත් ආදී ජාතික ආහාර ප්‍රචාරයට ව්‍යවහාරයට ආශා නොකිරීම අභාග්‍යයෙකි. සුවඳැල් පෙනීමත් කට හඬත් වඩයි.
මඩ ඇල් (කෙත් වී) කුඹුරු ගොවිතැන දියුණු වේගන යන නිසා පෙර තරම් වර්ග නැති වුවත් සාමාන්‍ය වීයේ බත එතරම් හිඟ නැත හිඟය වැඩිකොට ඇත්නම් කෙතෙන් ලැබෙන වී ටික විකුණා පාන් පිටි කන ගොවියන් අතරය. මෙකී මඩ ඇල් අතුරින් සැටදා වී උතුම්යයි කියතත් ඒවා දැන් ඇල් මෙන් වඳ වී යයි. ඊට මඳක් සමාන හීනැටිත් නනුඩු වැඩිය කියා මුදල් කිරීමට විකිණීමේ දී පාඩු නිසා සුලභ නැත. කුඩු ඉවත් වනතුරු ඔප දැමූ සුදු බතට වඩා නිවුඩු බත ගුණ වැඩිය යන ඉහළින් ආ මතය කාගේත පිළිගැනීම බත් කන අයගේ භාග්‍යයට හේතු විය.
මෙරටේ කැකුළු හා තැම්බූ හාල් දෙවර්ගයම ව්‍යවහාර වේ. දකුණේ පැසෙන වීයේ හා පිටි තෙල් ගතිය අඩු නිසා කැකුළෙන්ම ගනිති. මේ දෙකේ ම පෝෂ්‍ය ගුණයේ වැඩි වෙනසක් නැත.
බැදි හාල් කුඩු විලඳ කුඩු සහ හබල පෙති ද බත් වෙනුවට දැනුදු ඉන්දියානුවෝ ගනිති. ගමන් වලදී මේවා ඉහත මේ රටේ ද අත් සුනු නමින් බොහෝ ව්‍යවහාර කළහ. හබලපෙති කැඳ සැහැල්ලු ආහාරයක් වශයෙන් ගැනීමට තිබුනත් අද ඒවා සුලභ නැත.හබල පෙති කෙටූ උපකරණ ගම්බද වංගෙඩි මෙන් අයින්විය. දකුණේ පමණක් තරමකට දැනුදු ව්‍යවහාරවේ.
භොජන සංග්‍රහය
පණ්ඩිත ජී.පී වික්‍රමාරච්චි වෙද රාළහාමි.
තවත් කොටසක් මීලඟ ලිපියෙන් බලාපොරොත්තු වන්න.
මඩ ඇල් (කෙත් වී) කුඹුරු ගොවිතැන දියුණු වේගන යන නිසා පෙර තරම් වර්ග නැති වුවත් සාමාන්‍ය වීයේ බත එතරම් හිඟ නැත හිඟය වැඩිකොට ඇත්නම් කෙතෙන් ලැබෙන වී ටික විකුණා පාන් පිටි කන ගොවියන් අතරය. මෙකී මඩ ඇල් අතුරින් සැටදා වී උතුම්යයි කියතත් ඒවා දැන් ඇල් මෙන් වඳ වී යයි. ඊට මඳක් සමාන හීනැටිත් නනුඩු වැඩිය කියා මුදල් කිරීමට විකිණීමේ දී පාඩු නිසා සුලභ නැත. කුඩු ඉවත් වනතුරු ඔප දැමූ සුදු බතට වඩා නිවුඩු බත ගුණ වැඩිය යන ඉහළින් ආ මතය කාගේත පිළිගැනීම බත් කන අයගේ භාග්‍යයට හේතු විය.
මෙරටේ කැකුළු හා තැම්බූ හාල් දෙවර්ගයම ව්‍යවහාර වේ. දකුණේ පැසෙන වීයේ හා පිටි තෙල් ගතිය අඩු නිසා කැකුළෙන්ම ගනිති. මේ දෙකේ ම පෝෂ්‍ය ගුණයේ වැඩි වෙනසක් නැත.
බැදි හාල් කුඩු විලඳ කුඩු සහ හබල පෙති ද බත් වෙනුවට දැනුදු ඉන්දියානුවෝ ගනිති. ගමන් වලදී මේවා ඉහත මේ රටේ ද අත් සුනු නමින් බොහෝ ව්‍යවහාර කළහ. හබලපෙති කැඳ සැහැල්ලු ආහාරයක් වශයෙන් ගැනීමට තිබුනත් අද ඒවා සුලභ නැත.හබල පෙති කෙටූ උපකරණ ගම්බද වංගෙඩි මෙන් අයින්විය. දකුණේ පමණක් තරමකට දැනුදු ව්‍යවහාරවේ.
භොජන සංග්‍රහය
පණ්ඩිත ජී.පී වික්‍රමාරච්චි වෙද රාළහාමි.
තවත් කොටසක් මීලඟ ලිපියෙන් බලාපොරොත්තු වන්න.
No comments:
Post a Comment