කාර්යබහුල ඔබට, සෙම් ගෙඩි වලට හොදම විසදුම..

කාර්යබහුල ජීවන තත්වයත් එක්ක සුළු සුළු රෝගාබාද අපිට නිතරම වගේ හැදෙන එක සාමාන්‍ය දෙයක්.
සෙම්ගෙඩි කියන්නෙත් බොහෝදෙනෙකුට නිතරම වගේ සෑදෙන රෝග තත්වයක්.
මේත් එක්කම උගුරේ වේදනාවක්, ගිලීමේ අපහසුතාවයක් වගේම සුළු උණ ගතියක් උනත් හැදෙන්න පුළුවන්.

කාර්යබහුල අපිට පහසුවෙන් කරන් පුළුවන් දෙයක් ගැන අපි දැන් බලමු.

මේ දේ කරන්න පහසුම තැන තමයි කුස්සිය, ලුණු ටිකක් මද රස්නෙ තියෙන වතුරෙ දිය කරලා එකට ගම්මිරිස් කුඩු ටිකක් දාලා හොදට දියකරලා ඒකෙන් කට සෝදන්න දවසට දෙපාරක් විතර.විනාඩියක් ‌දෙකක් විතර කට ඇතුලෙ තියාගෙන ඉදලා උගුරත් එක්කම හොදට සෝදලා වතුර එලියට දාන්න. ගිලින්න එපා.(ලුණු මේස හැන්දකට ගම්මිස්කුඩු තේ හැදි භාගයක් විතර දැම්මම හරි)

ඊට පස්සෙ තාලිසාදි චූර්ණය (50 g පැකට් එකක් සිංහල බේත් කඩේකින් ගන්න) තේ හැන්දක් අල්ලට අරගෙන ඒකට මී පැණි දාලා තලපයක් වගේ වෙනකල් මිශ්‍ර කරගෙන එයින් ටික ටික දිවේ ගාගෙන හොදින් උඩු තල්ලේ දිව ස්පර්ශ වෙන ලෙස කිහිප වරකට කන්න. දවස් දෙක තුනක් උදේ හවස මෙහෙම කරද්දි හොදටම හොදවෙයි. සමහර විට එක පාරින් දෙපාරින් උනත් හොදවෙනවා.

මී පැණි හොයාගන්න නැතිනම් තාලිසාදී චූර්ණයෙන් ‌ෙත් හැදි 2 ක් උණු වතුරෙ හොදට දියකරලා තැම්බෙන්න තියලා කුඩුත් එක්කම බොන්නත් පුළුවන්. මේ අත් බෙහෙත් භාවිතා කරලා පහසුවෙන් ඔබේ නිරෝගිකමත්, මුදලුත් රැකගන්න මන්ද මේ සිංහල බේත් අතුරු ආබාධ වලින් තොර නිසා.