අපි බලමු කොහොමද මේක හදන්නෙ කියලා. මුලින්ම මේකට අවශ්‍ය දේවල් තමයි,
සාමාන්‍ය ප්‍රමාණයේ අමු පැපොල් ගෙඩියක්
ලුණු ටිකක්
ගොරකා හෝ සියඹලා ස්වල්පයක්
සුදු ළුෑණු බික් 2 පමණ
ගම්මිරිස් ඇට 10 පමණ
සූදුරු ස්වල්පයක්
කොච්චි හෝ අමු මිරිස් කරල් 10 පමණ
සිහින්ව ගා ගත් පොල්
මුලින්ම කරන්න තියෙන්නෙ පැපොල් ගෙඩිය හොදට සොදලා පොත්ත රැහැලා ඇට ඉවත් කරලා වට්ටක්කා වගේ කැට විධියට කපාගන්න එක.
ඉන් පසුව භාජනයතට දාලා වතුර දාලා එයට ලුණු සමග ගොරකා හෝ සියඹලා දාලා තැමිබෙන්න ලිපේ තියන්න.
මෙය භාගෙට තැම්බීගෙන එන විට පහත මිශ්‍රණය මෙයට එකතු කරන්න.
මේක හදා ගන්නෙ මෙහෙමයි.
සුදු ළුෑණුයි, ගම්මිරිසුයි, සූදුරුයි, කොච්චි හෝ අමුමිරිස්, සහ පොල් අතට අහුවෙන ප්‍රමානයක් කියන මේ සියල්ල එකට අරගෙන හොදට අඹරගන්න ඔන පස්සෙ ගුලියක් ලෙස හදාගන්න හැකි වෙනකල්.
ඒත් එක්කම අනිත් පොල් ටික මිරිකලා හොදට කිරි අරගෙන ඒ කිරි වලට කහ ටිකක් දාලා ඊට පස්සේ මිශ්‍රණය එහි දියකර ගන්න.
දැන් භාගෙට තැම්බුනු පැපොල් භාජනයට මේ පොල් කිරි දාලා පැහෙන කොට හොදට හැදි ගාන්න.
ව්‍යංජනය හොදට පැසුනම ලිපෙන් බාගන්න.
රස ගුණ සපිරි පැපොල් ව්‍යංජනයක් ඔබත් රස විදල බලන්න.
No comments:
Post a Comment