මේ දිනවල අප ශ්‍රී ලංකාව කොරෝනා රෝගයෙන් බැටකමින් බොහෝ දෙනා රෝග බියෙන් සසලව ඇත. ඒ වගේම මේ අස්ථාවේදී අපේ දේශීය දේ ගැන අපේ මිනිස්සුන්ට නැවත නැවත හිතෙන අවස්ථාවක් බවද සියල්ලන්ටම නොරහසකි.
දේශිය වෙදකම, ආයුර්වේද වෙදකම, අපේ කෑම බීම, අපේ සිරිත් විරිත් යනාදී මේ සියල්ලම දැන් මතකයට නොනැඟුනු කෙනෙකුන් මේ ලංකාවේ නැති තරම්ය. මහා බලගතු යැයි දියුණු යැයි කියනා රටවල් පවා මේ රෝගයෙන් සසලව ගොස් ඇති මේ වේලාවේ සියළු දෙනා මරණ බයෙන් තැතිගෙන සිටින මේ වේලාවේ සියලු සත්ත්වයෝ සුවපත් වෙත්වායි පතමි.
මම දැන් කියන්න යන්නේ අපේ රටේ බොහෝ දෙනෙක් නෙදන්නා කාරණයක් ගැන. මීට වසර 45 කට පමණ පෙර අප අතරින් වියෝ වූ මහා පුරුෂ රත්නයක් අපට ඉතිරි කර ගිය මහා දැනුම් සම්භාරයක් ගැනයි. ඒ ආයුර්වේද චක්‍රවර්තී පණ්ඩිත ග්‍රේබ්‍රියල් පෙරේරා වික්‍රමාරච්චි නම් වූ වර්තමාන කැළණිය විශ්වවිද්‍යාලයීය ගම්පහ වික්‍රමාරච්චි ආයුර්වේද විද්‍යායතනයේ නිර්මාතෘවරයානන් අතින් ලියැවුනු මා හැගි ග්‍රන්තයක් ගැනයි.
එය නමින් භෝජන සංග්‍රහයයි.
ආයුර්වේද දෙපාර්තමේන්තුවේ ප්‍රකාශනයක් වන මෙම පොත අපගේ ආහාර රටාව ගැන පෝෂණ රටාව ගැන පුළුල් විග්‍රහයක් ලබාදෙයි.
මෙහිදී එම ග්‍රන්ථය සමාජ ගතකිරීම මාගේ අරමුණයි. එය කොටස් ලෙස මා හට හැකි පමණින් එතුමාණන්ගේ වචන වලින්ම මා මෙහි සඳහන් කරන්නම්. එය ඔබට හෙළ ආහාර රටාව ගැන ඔබගේ දැනුම පුළුලු කරගැනීමටත්, ඔබගේ නීරෝගී බව වඩවා ගැනීමටත් උපකාරයක්ම වේවා. එසේම අපගේ ගුරු දෙවිදුන් වන ආයුර්වේද චක්‍රවර්තී පණ්ඩිත ජී.පී වික්‍රමාරච්චි ශ්‍රීමතාණන් හටද උපහාරයක්ම වේවා.
No comments:
Post a Comment